Ua nofo sauni le malo o Ausetalia i lana polokalame o malosi’aga faafouina mo le Pasefika, e faaoo atu le eletise i aiga mamao ese ma nofoaga o iai laina eletise i lo tatou atunuu.
E tusa ma le 105 aiga ma fale komiti e 5 o le a fausia ai ni nofoaga e faataatitia ai apa iila poo solar panels e maua ai le eletise mai le la.
O se tasi o fesoasoani a Ausetalia na faailoa e le Minisita o le Va i Fafo o lea malo i lana malaga faalemalo na afea ai Samoa i le masina o Fepuari.
O le faalapotopotoga o le malosi faaeletise a Samoa, ma Matāgaluega o Tinā ma Tama’ita’i faapea le Matāgaluega o Tupe a le malo o le a galulue i le faatinoina o lea fesoasoani.
O aiga e 11 o loo faamautū i le motu o Apolima o le a aofia i le fesoasoani ma o le a maua ai le eletise i le 24 itula o aso e fitu o le vaiaso.
O le taimi muamua lea ua lavea ai Samoa i lea fesoasoani a le malo o Ausetalia.
