E foliga e lē o iai se faamoemoe o le Palemia o Fiti, Sitiveni Rabuka e faamavae talu mai le matāupu na faamālōlō ai lē sa faauluulu iai le komisi o su’esu’ega i faiga lē amiotonu, le anti-corruption commission.
Fai mai le leitio faavaomalo a Niu Sila ua faia nei se faai’uga a Rabuka o le a ia toe apili le i’uga a le faamasinoga e pei ona ta’ua, lea ua malo ai le tama’ita’i o Barbara Malimali.
Fai mai Rabuka ina ua fesiligia pe o le a faamavae mai lona tofiga, na ia ta’ua o le a faailoa sana faai’uga mulimuli.
O le taimi nei e lata i le $1.4 miliona Amerika le taui o loo sa’ilia e Malimali mai le malo atoa ma le toe faafoi ane o lana galuega.
Faailoa e le loia a Malimali ua o latou maua le kopi o le apili a le Palemia ma ua mae’a faailoa foi e le Palemia o le a ia faamavae pe a faia’ina le apili.
Puna o Faamatalaga: https://www.rnz.co.nz/international/pacific-news/589501/another-rabuka-u-turn-fijian-pm-noncommittal-on-resignation-over-malimali-case
