E ono ese se tulaga e vaaia i Tasmania i Ausetalia nei i le aga’i atu i le aso Kerisimasi a taeao ina ua lipotia e le vaaitau o le a pa’ū le ‘aisa poo le snow i lea setete o Ausetalia mo le aso a taeao.
O loo iai nei Ausetalia i le tau mafanafana poo le summer e pei ona iai le tele o atunuu i lenei itulagi peita’i e ese foi lagona ina ua lipotia le pa’ū o le ‘aisa i Tasmania ua tai pei ai lava la o Kerisimasi i atunuu e pei o Amerika ma isi e masani ona pa’ū i le latou tau mālūlū.
O loo fautuaina foi e le vaaitau e ono to’ulu foi le snow i vaega o Hobart.
I Sini o loo vevela le tau faapea foi i Kuiniselani.
O Vitoria o loo faalogoina foi le mālūlū o le savili peita’i la o Tasmania lea ua lipotia e ono vaaia ata o se Kerisimasi pa’epa’e pe a taunuu ona to’ulu le ‘aisa i lea itu o Ausetalia.
Puna o Faamatalaga: https://www.9news.com.au/world/christmas-weather-forecast-potential-snow-tasmania/13c7b085-2f08-40d4-9511-1e98cbae2908
