E lua ni a’oga i Tauranga na faatonuina e tapunia i le taeao nei ina ua iai ni lipoti o se tagata na aga’i ane ma se ‘au’upega.
O le toe 10 minute i le 9 i le taeao analeila na alu ane ai le valaau i leoleo mo se fesoasoani i Cameron Road.
Na ta’ua e leoleo, e tasi se a’oga e latalata ane i lea pito na faatonuina e tapunia, ae o lea ua toe tatala i le taimi nei.
Na mafai ona maua e leoleo le tagata lea na iai le ‘au’upega, o se naifi se’i tulou, ma ua taofia nei i le vaavaaiga a leoleo.
O le a’oga a le Gate Pā School le isi a’oga na tapunia, ina ua lipotia se alii o loo vaaia ma lea ‘au’upega i fafo ane i le Tauranga Girls College la foi na tapunia.
Na faailoa e le pule o le a’oga o Rochelle Jensen i sana faamatalaga i luga o le facebook, sa fesoota’i lava ma leoleo i le taimi atoa o loo faagasolo ai lenei matāupu, ma ina ua pu’eina e leoleo lea alii ma aveese atu, na toe tatala ai loa le a’oga.
E faafetaia uma ai le fanau a’oga, o le aufaigaluega a le a’oga ma i latou uma na iai iinā ona o le mulimulita’ia ma le to’afilemu o faatonuga uma, ua mafai ai ona toe masuiga mālie lenei faafitauli na tau tula’i mai.
Fai mai leoleo, o loo faagasolo nei a latou sa’ili’iliga i lenei matāupu.
Puna o Faamatalaga: https://www.rnz.co.nz/news/national/589805/tauranga-school-went-in-lockdown-after-reports-of-an-armed-person
