E to’a 10 tagata ua maliliu i se afi na sasao ane i totonu o se falema’i a le malo i le itu i Sasa’e o le setete o Odisha i Initia.
Fai mai o i latou uma ua maliliu o gasegase sa iai i lea vaega o le falema’i ma o isi o loo tau togafitia o le aufaigaluega o loo iai manu’aga mai le afi i le taumafai ai e lavea’i gasegase.
Fai mai le minisita o le soifua mālōlōina a lea atunuu i le faatalanoaga ma le BBC, o le afi e foliga na māfua mai se faaletonu i le eletise amata mai i le vaega o le ICU.
Fai mai e taatele le ituaiga faalavelave lea o afi i falema’i i Initia ma e tuua’ia lava faaletonu tau le eletise.
O le masina o Oketopa tausaga talu ai e to’aono foi gasegase tigāina na maliliu ina ua sasao ane se afi i le vaega tonu o le falema’i sa iai.
Ua faailoa la o loo faia le su’esu’ega i lenei faalavelave atoa ma le māfua’aga tonu o le sasao ane o lea afi.
Puna o Faamatalaga: https://www.bbc.com/news/articles/c363gpe3exjo
