Ua iai foi se isi afā ua lipotia mai ua lapata’ia ai tagata i Kuiniselani i le itu i Mātū.
O le faamatalaga a le vaaitau o loo faamauina lea afā i le malosi i le Vaega 4, Category 4 storm e aafia ai gataifale o Kuiniselani i le Aso Faraile ma o loo fasolo pea ina malosi le afā ma aga’i i le itu i Sisifo.
Ua faailoa o matagi e oo le malolosi i le 200km i le itula ma ua fautuaina foi nofoaga lalata ane iai ia faaeteete.
O le malosi o galu le isi lapata’iga aemaise o le siisii o le tai.
O le afā ua faaigoa o Narelle ma e ono faalogoina ona aafiaga i le aga’i atu i le faai’uga o le vaiaso.
