Ua tatala le maketi fou i Savalalo ma ua iai ma suiga o le a faatino, e pei o le lē toe faaaogāina o le vaega i tua o loo avea ma nofoaga mo pasi la’upasese e faia ai se flea maketi i le Aso Sa e pei ona sa masani ai.
Sa siitia i le maketi i Fugalei le flea maketi ina ua tapena lea nofoaga mo le tatalaina o le maketi fou peita’i o lea ua faaauau ai pea ona faatino le flea maketi e faatau ai taumafa eseese faapea fua o faato’aga i Fugalei i taeao o Aso Sa ae lē toe faia i Savalalo.
Ua faailoa lea suiga e le Palemia i le māfua’aga ina ia tausia le tulaga mamā ua iai nei le maketi fou i Savalalo.
O le a tatala lea maketi i le vaveao i le 5 ae tapunia i le 6 i le afiafi, ae e iai aso o le vaiaso lea ua fuafua poo le Aso Tofi ma le Aso Faraile e tatala ai i le ao ae tapunia i se taimi o le po mo faatauga a le atunuu.
Ua faamautū foi i fuafuaga a le malo mo le fausia o nisi nofoaga e faagaioia ai pisinisi laiti le faatauina o nisi o fasi fanua umia sa’oloto i ni vaega o eleele e tu lalata i le maketi i Fugalei.
