O le faaaogaina o le mask ma le saoloto o tagata e mafai ona faatasia I totonu o fale le suiga tele o loo sau ma le moli lanu moli
Ao tatou iai I le uluai aso ua see ai Niu Sila I le moli lanu moli, o suiga faaopoopo ia na faailoa mai e le malo ananafi

O lea ua saoloto le toatele o tagata e mafai ona faatasia I totonu o se fale, peitai mo le faaaogaina o le ufi fofoga e le o nofoaga uma ua saoloto
O loo tumau pea le tatau ona faia o le ufi fofoga pe a asia le supamaketi, faleoloa, femalagaiga lautele, faigamalaga I luga o le vaalele faapea le asia o nofoaga faitele e pei o faletusi

Peitai o aoga o lea ua saoloto, ma le tala e tuu atu pea le faitalia I le pulega o le aoga e faia ai lava la latou faaiuga fua lava foi I le tulaga o iai fanau ma faiaoga aafia I le faamai

I aoga, o lea sa faamalosia mo fanau mai vasega 4 agai I luga, ma o le le toe faamalosia ai I lalo o le moli lanu moli o lona uiga o le a saoloto ai le aso mulimuli o lenei kuata mo fanau aemaise lava fanau iti lea e le I faigofie foi le tau faaofiina mai o le faamalosia o le mask I totonu o potu aoga

O le isi faaopoopoga i le saolotoga ua iai nei I ufi fofoga, o le le toe moomia lea pe a iai I faleaiga