Ua fesiligia poo fea lea na sau ai tupe na faatupe ai le solo tetee na faia I Ueligitone, ao fea foi isi tupe ua leiloloa
O lea ua faailoa e nisi o pisinisi o lea na o latou fesoasoani I le faatupeina o le tetee, peitai mai le taitaifono o le National Maori Authority I tala a le leitio a Niu Sila, Matthew Tukaki e le na o le pau ia o foai tupe e iai lona talitonuga e iai isi
Manatu o Tukaki, a vaai foi I le toatele o I latou na tetee e ono le lava a latou tupe teu poo tupe na o latou maua e faatupeina ai le tele o mea maua fua na tausi ai le tetee 23 aso ma o loo masalosalo le taitaifono o le tele o isi fesoasoani tupe o sailigaseleni na faia I atunuu mamao
Ao suesue ai la le faatupeina o le tetee, o lea ua iai faasalalauga ua sue le faitau sefulu afe o foai tupe ua leiloloa
I luga o le Facebook o loo faasalalau ai e se tasi na tuufaatasia le tetee, ua alu I le teugatupe e sue atu e ese le tagata e anaina ao le isi vaega o loo sue ua alu ma le isi organiser I matu o le atunuu
Ao faia ai suesuega e le o mafai ona faailoa mai e leoleo se atoaga pau o lea o loo augani mai I tagata lautele e fesootai atu pe a silafia se tasi na faia ni ana suega tupe faasolitulafono ae ta’u ai le tetee
