E to’atolu ni tagata na faamanu’alia, e to’atasi lea e tigāina, ina ua oso i tua se taavale ma soso’a atu se tama’i falekofe i le faaitu o North Shore i Aukilani.
Na tula’i mai lenei faalavelave ina ua lavea lea taavale i le William Souter St, e lata i le fetaula’iga ala i le East Coast Rd i Forrest Hill i le latalata i le 9am i le taeao analeila.
O ni ata na pu’eina mai lenei faalavelave o loo vaaia ai se taavale hatchback o loo soso’a atu le tioata o le faamalama pito i luma o le William Souter Espresso café.
E to’atele leoleo na lolofi atu i lea auala ma taumafai e faamamao ese tagata mai le itu tonu o loo tupu ai le faalavelave.
Ma ua faamautinoa mai e leoleo, e to’atasi le tagata lea na avatu faavave i le falema’i i ni manu’aga ogaoga, ae to’alua isi tagata sa manu’a mitimiti ae na avatu uma lava i le falema’i.
Na tapunia ai foi lena magāala i le va o le East Coast Rd ma le Morton Ave i lea taimi o le taeao.
Puna o Faamatalaga: https://www.newstalkzb.co.nz/news/national/three-injured-after-car-crashes-into-building-in-forrest-hill-north-shore/
