O loo faaauau pea tapenaga a le Manu Samoa mo le Ipu o le lalolagi i le lakapi i le tausaga fou aemaise foi o le Pacific Nations Cup ua sauni atu iai le ‘au taaalo ma le faiaoga o le ‘au Vaovasamanaia Seilala Mapusua.
Fai mai le faiaoga i sana faamatalaga i le RNZ, tele le tomai ma le silafia o loo iai ma o loo iai foi nisi o tama taaalo fou o loo faasolo ane i le ‘au ma o isi ua ta’ua e aofia ai le alii o Duncan Paiaaua, Frtiz Lee ma Lolagi Visinia lea ua mafai ona faataga ona taaalo i lalo o suiga fou ua iai nei.
Fai mai Mapusua o loo iai pea le avanoa mo nisi tama taaalo e siilima ane mo le Ipu o le lalolagi. O le uluai taaloga a Samoa ma Ausetalia e faia i le aso 2 o Iulai, taaalo ai ma Ausetalia i Suva. E mulimuli ane taaalo ma Fiti ma Tonga.
Mo le Ipu o le lalolagi o loo iai Samoa i le Pulu D lea e pulu faatasi ai ma Egelani, Argentina ma Iapani.
photo of Manu Samoa coach: Vaovasamanaia Seilala Mapusua
