Ua fesaga’i le faigāmalo ma se filifiliga faigatā a o una’i malosi mai kaupani vaalele ina ia fai se latou gaioiga e faamautinoa ai e mafai pea e kamupani vaalele ona faaauau a latou auaunaga.
Ua siitia e le Air Niu Sila totogi o a latou pasese ona ua siitia maualuga le tau o le suāuu, ua faaopoopo ai le $10 i le pasese o loo iai nei i femalagaa’iga i totonu lava o pitonuu o Niu Sila poo domestic fares, e $20 ua faaopoopo i pasese i ni malaga i atunuu taulalata, ae $90 ua faaopoopo i pasese i atunuu e taumamao.
O le Air Chathams ua siitia foi i le $20 ua faaopoopo atu i tau o ana pasese masani.
Na ta’ua e le Pule Sili o le kamupani, Duane Emeny, e mafai e le faigāmalo ona faatino lana matāfaioi e fesoasoani ai i kamupani vaalele.
Fai mai a ia, e tatau i le malo ona ua’i atu i le auaunaga a vaalele ma amata galulue i vaega e mafai ai ona lagolagosua i kamupani vaalele pe afai o le a faaauau ai pea taua o loo faia nei i atunuu o loo maua mai ai le suāuu.
Puna o Faamatalaga: https://www.newstalkzb.co.nz/on-air/early-edition-with-ryan-bridge/audio/duane-emeny-air-chathams-ceo-calls-for-government-support-as-jet-fuel-prices-rise/
