Ua faailoa lautele se maliega ua mae’a sainia e le pulega o le Iunivesite Aoao a lo tatou atunuu ma le sui o le Malo o Saina i Samoa ua ofoina ai e lea malo ni avanoa sikolasipi mo fanau a le atunuu o loo a’oa’oina i le iunivesite aoao o Samoa.
O ia avanoa sikolasipi o le a mafai ona maua ai le avanoa e a’oa’oina ai ni fanau a le atunuu e faamanuiaina ai i le faailoga tikeri le Arts degree with a major in Chinese, ma le avanoa sikolasipi e ofoina mai e le Amepasa o Saina i Samoa e totogi atoa ai a’oa’oga i totonu o le iunivesite mo ni fanau a le atunuu e faamanuiaina ai.
O le Pule o le Iunivesite Aoao o Samoa ua toe tofia mo le isi 3 tausaga le afioga Tuifuisaa Patila Amosa na sainia le maliega e faamautū ai ia avanoa sikolasipi ma le alii Amepasa o Saina i Samoa o Fei Mingxing.
E ese mai i lea agalelei o Saina i lana fesoasoani o loo auina atu ai fanau a le atunuu i isi ana avanoa sikolasipi e a’o’oga i Iunivesite i totonu o Saina.
