E lē o iloa lava i le taimi nei le mafuaaga o le maliliu o se auso teine na maua o la tino maliliu i totonu o le unit sa nonofo ai, e maua atu ua maliliu uma ae leai ni manu’aga. Fai mai lipoti o le auso e 23 ma le 24 tausaga le matutua ma o le masina talu ai na maua ai ma na faailoa mai i le aso ananafi ua mafai ona faamautuina e leoleo i laua ia.  

O Asra Abdullah Alsehi ma lona uso o Amaal Abdulah Alsehi o ni tamaitai mai Saudi Arabia ae sa aumau i Sini i se fale i Canterbury Road. 

E talitonu leoleo masalo pe ua atoa se masina talu ona maliliu ae faato’ā maua tino maliliu ma e lē o faamautuina lava la se mafuaaga ua maliliu ai. Fai mai na taunuu mai i Ausetalia i le 2017 ma o loo faia pea su’esu’ega a leoleo.