O le tauaofiaga a le Palemene ua toe faagasolo i lenei vaiaso o le masina o Mati ua faamoemoe e tuuina atu ai i le fono aoao faitulafono le tulafono toe teuteu e mafai ai ona galulue Sui Tama’ita’i o Nuu ma Sui o Nuu i le ta’ita’iga a ofisa o Fono Faavae a itumalo faapalota e 51.
Ua faailoa e le Palemia lea fuafuaga i le fono ma tusitala i le vaiaso ua mavae, ma lana saunoaga o se suiga o le a faasee ese ai mai le Matāgaluega o Tinā ma Tama’ita’i afio’aga ma Aga Fesoota’i le vaaia o galuega a sui o nuu ma sui tama’ita’i o afio’aga i komiti o Fono Faavae.
