Ua faailoa e le kamupani vaalele fou i Ausetalia le Bonza o le a ia ofoina ni tau taugofie mo faigamalaga i totonu lava o Ausetalia ma faalautele foi vaega e agai iai le auaunaga ae tatau i isi kamupani vaalele ona faapa’ū foi a latou pasese ia fai ai se faiga faatauvaga.
E amata atu i le vaiaso nei e lima vaalele a le Bonza o le a faimalaga i le vaiaso i le va o Vitoria ma le Sunshine State.
Fai mai le kamupani e leai lava se mea aupito tāua nai lo le faaopoopo o faiga faatauvaga e faaitiitia ai le tau o pasese.
O le malaga mai Melepone agai i le Gold Coast i le Bonza one way ua faasalalau mai e 79 tala Ausetalia pe a faatusa i le 99 tala Ausetalia a le Rex Airlines.
