O le afioga Motuopuaa Seve Henney Henry Papalii, le sui faipule o Vaisigano 2 ua filifilia e avea ma minisita lagolago e tusa o aiaiga o le tulafono o tofiga failautusi faapalemene mo le Matāgaluega o le Soifua Mālōlōina.
O le tama’ita’i faipule o Safata 1 le afioga Tunumafono Clare Tai Tin ua filifilia e avea ma minisita lagolago o le matagaluega o Tupe Maua.
O ia tofiga na faasilasila e le ta’ita’i o le malo le afioga i le Palemia i le sauniga faalemalo na faatauto ai Tunumafono Clare ma Motuopuaa Seve i le tauaofiaga a le Palemene i le Aso Lua, e pei ona filifilia i la’ua i palota laiti a ia itumalo sa faatino i le Aso Faraile ua mavae.
Le afioga i le Palemia, susuga Laaulialemalietoa Leuatea Polataivao Fosi i se vaega o lana saunoaga i le sauniga faalemalo na faatauto ai tofi faipule ma tofi minisita lagolago o le sui faipule o Safata 1 ma Vaisigano 2.
