E lua tausaga o tapena ma tapuni tuaoi o Niue i turisi e puipui ai mai le Koviti. 

Ae i le uluai faigamalaga mai Niu Sila, o le aso lava na taunuu ai o le aso foi lea na maua ai cases to’alima na o atu ma le Koviti ma e to’atasi na taofia i le falema’i. 

Mai ia Collin Tukuitonga o le foma’i i Niu Sila nei, e lē faate’ia lea tala ona o lea e faitau afe cases a Niu Sila i le aso e tasi e ui o loo faia lava foi siaki ae e le’i faimalaga poo pre departure tests e lē o moe ai le Koviti. 

O le faigata o Niue e na o le to’afā foma’i ma tausima’i pe ā ma le 12. 

Saunoa le alii foma’i, o se faai’uga e lē faigofie peitai ua leai lava se isi mea a fai. 

E lē o iai se komiuniti case a Niue i le taimi nei.