Ua avanoa nei le nofoa o le tofi faipule o le itumalo faapalota o Vaimauga 3 ina ua faasilasila aloa’ia e le Fofoga Fetalai o le Palemene le faamavae o lē sa filifilia e le itumalo i le palota tele ia Aokuso o le tausaga ua mavae le afioga Tiaoaliiseu Fiti Aimaasu.
O le sui tauva mautinoa lea o le pati faaupufai o le Faatuatua i le Atua Samoa ua Tasi i le filifiliga a Vaimauga 3 i lana palota laitiiti ua tālia nei se aso e faatino ai.
E ono masina o seei le afioga Taioaliiseu Fiti Aimaasu i le tofi faipule o lona itumalo lea sa avea ai ma sui faipule o le faafaletui o le vaega faaupufai e puipuia aiā tatau a tagata, peita’i e pei ona silafia ua fia suia le pati faaupufai e lagolago iai le māfua’aga o lana faai’uga e faamavae ae toe foi e fai le filifiliga a le itumalo.
O le tuua e lē sa seei i le tofi o Vaimauga 3 o le nofoa o lona itumalo i faalagamaea o upufai o malo, na maua ai le avanoa o le sui tusitala ma faasalalau o le tatou auaunaga le afioga Lilomaiava Maina Vai, e fesiligia ai le afioga Taioaliiseu Fiti Aimaasu e tusa o lona faamavae ma le tofi faipule aemaise o lona faamavae ma le vaega faaupufai sa tauva ai ma manumalo i le palota tele i le tausaga ua mavae.
Le afioga Taioaliiseu Fiti Aimaasu i sona finagalo ina ua fesiligia e le afioga Lilomaiava Maina Vai.
