O le alii o Andrew Macdonald lea ua filifilia e avea ma faiaoga ulu o le au kilikiti a alii a Ausetalia ma o le a sui tulaga ai I le sa tulai mai I lea tofiga, Justin Langer lea ua faamavae.
Ua faailoa o Macdonald ua saini se konekarate e fa ausaga ma o ia sa avea ma sui faiaoga I le taimi o tau sailia seisi mo lea tofiga. Talu mai le 2019 sa iai Macdonald ile au ile maea ona ia taitaia le au a Vitoria i manumalo e tolu I taamilosaga sa faia I le 2018-2019
Fai mai le faiaoga fou o se faaaloalo maualuga mo ia lenei tofiga mae ui e tele luitau ae o le a finau mo se lelei o le au a le atunuu ise tasi o taaloga o loo maualuga ai pea Ausetalia I le faatulagana I le lalolagi atoa.
