I le 18 itumalo faapalota na muamua faamautu a latou tapenaga uma ma sainia loa le feagaiga ma le Malo e faatino ai le polokalame o le atiina a’e o itumalo i vaegatupe e tasi le miliona tala, o lea ua faaopoopo atu nisi itumalo palota e 14 ua faamautu foi a latou sainigalima i le feagaiga ma maliega e faaaogā ai tupe o le polokalame ma maua ai le 32 o itumalo palota ua mae’a a latou tapenaga.
Peitai e 19 itumalo o loo tālia pea a latou tapenaga o komiti o le polokalame ma o le faai’uga o le masina nei o Iuni e tatau ona oo atu iai ua faamautu mo le tuuina iai o le tupe faavae muamua e lua selau afe tala, a o lei amatalia i le tausaga faaletupe fou le tasi le miliona tala.
Ua faasalalau foi avanoa mo nisi e faatinoina galuega o le polokalame lea e amata i le tapenaina o ofisa tutotonu e tapuvaetasi iai galuega uma o le faia o atiina a’e mo le manuia o tagata o nuu o itumalo faapalota e 51. Ua faaalia e le Minisita o le Matagaluega o Tina ma Tamaitai Atina’e o Afioaga ma aga fesootai, o loo iai le vaaia o le polokalame lenei le afioga Leota Laki Lamositele Sio, i se faatalanoaga ma le vaega faasalalau o le Talamua, o itumalo o loo tetee faipule i le polokalame e lē tuua ai le agai pea o le Malo e faatino ona e tatau ona aofia uma itumalo e 51.
O itumalo nei e 32 ua mae’a tapenaga ma ua maua le ta’i 200 afe tala:
1 Aana Alofi 1
2 Aana Alofi 3
3 Alataua i Sisifo
4 Aleipata Itupa i Lalo
5 Faasaleleaga 1
6 Faasaleleaga 3
7 Falealili 1
8 Falealili 2
9 Faleata 1
10 Faleata 2
11 Gagaemauga 2
12 Gagaifomauga 3
13 Lefaga & Faleaseela
14 Palauli 1
15 Palauli 2
16 Sagaga 4
17 Salega 1
18 Falealupo
19 Safata 2
20 Lotofaga
21 Faasaleleaga 2
22 Salega 2
23 Gagaemauga 1
24 Aana Alofi 2
25 Aleipata Itupa i Luga
26 Vaisigano 1
27 Palauli 3
28 Vaimauga 1
29 Vaimauga 2
30 Anoamaa 1
31 Faasaleleaga 4
32 Vaisigano 2
