Ua faamaonia mai e le soifua mālōlōina i Kuiniselani le uma o le ola o se pepe e 23 masina ona o le Koviti-19.
O faamatalaga a le soifua mālōlōina ua ta’ua ai na uma le ola o le pepe i le falema’i o tamaiti i Kuiniselani i Brisbane i le po o le Aso Sa.
E lē o faamatuuina mai nisi faamatalaga mai le matagaluega e tusa ai o le maliu o le tamaitiiti ma lona aiga foi ae ua faamauina o le tamaitiiti aupito i laititi lea ua uma le ola ona o le koviti.
E le’i leva atu nei ona ioeina le TGA o tuipuipui mo tamaiti pepe peitai o loo faatalia pea se ioega mai le ATAGI atoa ai ma le faamautuia o le sapalai o ia foi tui puipui.
