O le vaa a Amerika le USS Abraham Lincoln ua lipotia le vaaia e lata i Iran a o faaauau pea ona una’ia e Uosigitone lea atunuu i lana polokalame faamiliteli aemaise o le matāupu e faatatau i le autetee i le faigāmalo lea ua lipotia le to’atele ai o le aumaliliu.
O le vaiaso nei ua fuafua ai le fonotaga a sui o Amerika ma Iran i Switzerland ma ua faailoa e Iran o lea fonotaga o le a taula’i i le latou polokalame faaniukilia atoa ai ma le ono aveesea o sā na faia e Amerika ia i latou.
O le vaa lea o le Abraham Lincoln e na te feavea’ia le 90 o vaaleletau a Amerika ma se auvaa e silia ma le 5 afe.
Ua iai foi lipoti o loo ta’ua ai ua aga’i atu foi le isi vaa tele a Amerika le USS Gerald R Ford i Sasa’e Tutotonu ma e ono taunuu i totonu o le tolu vaiaso o lumana’i.
Puna o Faamatalaga: https://www.bbc.com/news/articles/c1d64p3q2d0o
