Ua faateteleina le uumi o laina poo le queue o tagata malaga I malae vaalele I totonu o Ausetalia ao lapatai ane pea o le a feagai ma ni faatuai I faigamalaga . E faitau afe tagata malaga o loo ua amata nei ona agai ane I malae vaalele I le atunuu mo faigamalaga I aiga mole Eseta.
O loo taua o le malae vaalele I Sini o loo fuafua e oo atu I le 82 afe tagata o le a a agai atu iai I le domestic terminal I le aso lava ia ae o le malae vaalele I Brisbane ua taua e ono oo atu I le 56 afe tagata malaga.
O le faamatalaga mai le malae vaalele I Sini ua taua ai o le taimi nei o loo sologa lelei le queue o tagata malaga ma o loo mafai ona check in ma siaki I totonu o le itula. O le sailia o ni kapaka leisi faafitauli o loo feagai ma tagata malaga I le taimi nei . O Melepone lava ia o loo fuafua e tatau ona ulufale iai pasese e 380 afe I le lima aso o lumanai nei.
Fai mai pulega o malae vaalele o le koviti ua mafua ai ona toatele tagata faigaluega na faamalolo ma ua faigata foi le toe sailiga o tagata faigaluega I le taimi nei e pei lava foi o isi auaunaga uma ile atunuu.
