Ua toe faafoi ese mai e leoleo i Suria se kulupu o ni tama’ita’i mai Ausetalia faapea tamaiti ina ua oese mai se camp poo se tolauapiga i le itu i Mātū i Sasa’e o Suria o loo faamautū ai tagata ua feta’ua’ina e iai sootaga i le ISIS.
Ta’ua i lipoti a le 9News e lē o manino mai le taimi o le a faataunuu ai le latou faigāmalaga ae o i latou o loo aofia i lea kulupu e 34 tama’ita’i ma tamaiti e to’a 11 mai aiga e 11.
Ua faailoa o le fuafuaga sa iai e oese mai le camp sa iai ma aga’i atu i le laumua o Suria o Damascus ma felelei ane ai i Ausetalia.
O le māfua’aga ua lipotia ua toe taofia ai lea fuafuaga mo le kulupu lea ona ua ta’ua e le’i mae’a fetuuna’iga o loo faia e faatatau ia i latou ma o le a lē mafai ona faimalaga ma ua toe foi ai i le camp.
O le faamatalaga mai le faatonu o le camp lea ua ta’ua ai o fetuuna’iga mo le aga’i ese mai Suria o ia tagata na faia lava e o latou aiga ae lē o le malo Ausetalia, ua lipotia foi la e le 9News se faamatalaga mai le malo o Ausetalia, e latou te lē aveesea ni tagata mai Suria ona e faamuamua le saogalemu o tagata Ausetalia ma le puipuiga o le atunuu.
Puna o Faamatalaga: https://www.9news.com.au/world/australian-citizens-with-alleged-is-ties-depart-syrias-roj-camp-for-repatriation/c0a6d761-598e-4a1a-8cbd-9cb6891cd6e0
