Toe foi ane le alii o Rieko Ioane i lana ‘au mo le taaloga o le quarterfinals o le Super Rugby Pacific o le a fetaui ai le Blues ma le Highlanders i le malae taalo, Eden Park.  

E lua taaloga na misia e Ioane i taaloga talu ai a le Blues ma le Brumbies ma le Waratahs. O lona uiga la o le a toe foi ane Ioane i lona tulaga midfielder i le la fetauiga lea ma le Highlanders i le Aso Toonai nei.  

Ua ta’ua foi le toe foi ane o Barret i le numera 10 aemaise foi tama taaalo o Finlay Christie, Roger Tuivasa Sheck, Mark Telea ma Stephen Perofeta peitai o loo manu’a le uigi Caleb Clarke. 

O isi o le a toe vaaia foi i le malae i le faai’uga o le vaiaso mo le Blues e aofia ai Tom Robinson, James Tucker, Hoskins Sotutu ma Dalton Papalii. Fai mai le faiaoga Leon Mcdonald o le a tuu atoa le taula’iga o le vaai i le taaloga lea. O le a tulimata’ia foi e le to’atele lea taaloga.