E to’alua alii ua molia i le faalavelave ua fetaua’ina ai le faaoolima i se tamaititi 15 tausaga i le masina o Aperila o le tausaga nei. Fai mai lipoti a le 9News ua faailoa e leoleo e fai si matuia o lenei faalavelave. 

O loo maua i meapueata ata o le aualii ia e to’alua o loo takiki ma tatu’i se’i tulou le tamaititi ma o la faia foi ni faamatalaga i le uo teine a le tamaititi. Na pue e leoleo i le po o le Aso Faraile ma le Aso Toonai talu ai ma o le isi o i laua ia e 37 tausaga mai St Kilda a o le isi e 40 tausaga le matua mai le itu i Saute o Melepone. 

Faafetaia e leoleo le fesoasoani mai tagata lautele i le latou su’esu’ega ua faigofie ai le sailiga o i laua ia. O le faalavelave na tupu i se tram agai atu i le Southern Cross Railway i Melepone.