Faailoa e Moala taiala ma faiga faavae ua uma ona faataatitia e le malo mo le faatulagaina o Komiti Faavae o Itumalo taiasi mo le faatulagaina o le poloketi miliona tala. Na toe otooto mai e Moala taiala e mafua ai ona mau lana finau o loo sa’o lava o ia ma e lē faavaea tuua’iga a Tuilaepa.
1. E tumau pea le taitaifono i le faipule o le itumalo.
2. Sui taitaifono o le sui sa lagolagoina le FAST o loo alala i totonu o le itumalo
Ta’ua e Moala, o ia na avea ma sui tauva i le itumalo faapalota o Sagaga Nu. 1 i Faleula, peitai e lē nofo i Faleula, o ia e nofo i Faleata. E matai i Faleata i lona igoa Moala i Saina, toe matai i le Panoa i Toamua.
3. O le failautusi a le komiti e tofia i ai se sui o le FAST e faamaonia e le sui taitaifono, poo ia lea.
4. O sui e to’asefululua o loo totoe, ia filifilia i ai le ono sui sa lagolagoina le HRPP, ae o le isi to’aono o sui sa lagolagoina le FAST ma isi vaega faaupufai e iai le TAUTUA. E faamautuina uma na sui e le sui taitaifono.
5. Ia faia se tusi e faailoa mai ai sui ma se maliega na sainia e le taitaifono, sui taitaifono ma le failautusi, i le faatulagana ua faailoa atu i luga:
Saunoa Moala, e matuā telē lona agavaa e avea ma sui o le Komiti a Faleata 4, ma o ia foi e tofia le Failautusi. O le tali atu lea a Moala e tetee atu ai i tuua’iga a le taitai o le HRPP, Tuilaepa Sailele Malielegaoi e faapea e lē tatau ona iai o ia i le Komiti a Faleata 4.
O le isi tuua’iga a Tuilaepa e faapea e lē tatau ona avea Moala ma sui o le komiti a Faleata 4 ona o loo tuli ese o ia e le nuu o Saina. Saunoa Moala, o ia lea e nofo i Saina, ma o ia o se isi matai faiupu a le nuu o Saina. O Saina e lē o se nuu o Toamua, ae o Saina ma Toamua o nuu i totonu o le Itumalo o Faleata 4.
Sa fesiligia Moala pe faafefea la o lea ua tusi atu le Minisita o le poloketi, ina ia faasee tuagalu mai le avea ma sui o le komiti. Peitai na saunoa Moala, e lē mafai ona faasee tuagalu ona o la e mulimuli lava o ia i taiala na aumai e le matagaluega mo le tofiaina o sui o le komiti, ma o lea ua toe talanoa atu i le taitaifono a le vaega faaupufai a le FAST, le afioga Laaulialemalietoa ina ia toe silasila ane. E ui ina aumai le tusi e faasee tuagalu, ae i lona talitonuga, e le’i masuiga mālie le komiti a Faleata 4.
Toe saunoa Moala, o ia e lē foi i le tulafono pe afai na te silafia e lē o sa’o le faaiuga ua fai. Toe faamanatu e Moala le motto a le latou vaega FAST, o latou o le “Rule of Law” so e tatau lava ona saili le sa’o i le tulafono.
Fesili Autagavaia pe aisea ua faafaigata ai ona faatulaga le latou Komiti a Faleata 4, ae tali Moala, o loo teena o ia e le faipule ma sui o le HRPP. Na fesiligia foi Moala poo le ā sana tali i le Minisita i lana faaiuga ua fai e tuli ese o ia. Tali Moala, “O la’u tatalo i le afioga i le Minisita, faamolemole e lē o tusa ai ma taiala ua uma ona aumai. O a’u ou te agavaa i lalo o Faleata 4……E lē mafai ona aveesea a’u leaga o lea ou te agavaa i lalo o taiala a tuuina mai e le afioga i le minisita.”
Fesiligia e le isi tusitala Moala, faafefea o loo finagalo Ale e tatau ona agavaa ia i le itumalo lea na palota ai, ae lē agavaa ia i Faleata 4 ona e lei palota ai e ui o se tagata o le itumalo. Peitai na tali Moala, o le faiga faavae a le Malo ma e le pule Ale i faiga faavae a le Malo. Ma e tatau ona mulimulita’i le faipule i taiala ua uma ona faatulaga mai e le Malo.
