Ua tali mai le sooupu o le matagaluega o le va I fafo a Saina o Wang Wenbin I finagalo faaalia o Niu Sila ma Ausetalia e faatatau I le maliega ua sainia I le va o Saina ma le atu Solomona.
Ua faailoa e Wenbin pei ona lipotia I le televise a Niu Sila oloo fiafia tagata Solomona I le maliega ua sainia e ono vaaia ai le iai o se vaega militeli a Saina ile motu e ala i vaa ma vaegaau faaaupegaina.
Fai mai Wenbin pe aisea e popole ai isi tagata ile maliega lea ao loo fiafia iai tagatanuu o le atu Solomona. Na agai foi se faamatalaga ale sooupu ile AUKU Agreeement lea e aofia ai Ausetalia, Peretania male malo tele o Amerika , fai mai a ia poo ai o loo faatuina faalapotopotoga faa militelli e ono iai ni aafiaga ile pasefika, ma o soo se taumafaiga e faaleaga pe tuuitiitia le taua o le fesootaiga I levao Saina ma atumotu o le pasefika , o le a le manuia.
Ua faia ia faamatalaga mai le ofisa o le va I fafo a Saina ao lumanai ai se tautalaga a le palemia o le atu Solomona, Manasseh Sogavare e faia I le palemene ale atunuu ile aso.
