O loo faia nei se su’esu’ega a leoleo i ni faalavelave se lua faaaogā ai ni fana i Aukilani i Saute i le po anapo. Fai mai e to’atasi na ave atu i le falemai e feololo manu’aga mai le faalavelave i Manukau poo le toe 10 i le 8.
O ata mai le One News o loo iloa atu ai faamaoniga o pulufana na ati i se fale i Albert Road ma e 10 minute mulimuli ane na valaau ane ai leoleo i se tuatusi i Opaheke i le mae’a o le faalogoina o le pa’ō ane o fana.
E leai se tasi na faamanu’alia ai ae o isi foi faalavelave faapea na tulai mai i le vaiaso talu ai na pu’eina ai e leoleo tagata e to’afitu i faalavelave lava mai Aukilani i Saute talitonu leoleo e i le va o le kegi a le Killer Beez ma le Tribesmen.
O le Aso Sa foi na te’a nei na tafanaina ai se fale i Manurewa ae fai mai leoleo e leai se sootaga o le faalavelave lea ma ni kegi.
Vaofilifili & Le Soga
Aua ne’i galo sau lomiga ole Tusi ole Sōgā faatasi ai male lolomiga ole Vaofilifili. E maua ai Faalupega o
