O loo taumafai leoleo i Sini e sailia se alii ma se tamaitai ina ua fetaua’ina le gaoia o se taga pepa faatau o loo iai totonu se vaega tupe e 10 afe ma se laptop.
Fai mai o le tagapepa na tuu i le faitoto’a e ulufale ai i se faleoloa i le train station i Central i le aso 22 o le masina na te’a nei.
O le vaiaso nei ua faamatuu mai ai e leoleo ata o ni tagata se to’alua latou te talitonuina e ono fesoasoani ane i le latou su’esu’ega. O le alii ma le tamaitai o tagata papa’e uma e to’alua o loo tau fai laeiina lavalava e tusia ai le adidas, ma talosagaina nisi e silafia ni famatalaga ina ia fesoasoani ane i le su’esu’ega pe logo le crime stoppers.
