Ua lipotia le sologa lelei o oloa auina i fafo a Saina i le ulua’i lua masina amata o le tausaga nei 2026 e ui i faafitauli tau fefaataua’iga ma le malo tele o Amerika.
Fai mai le BBC o faamaumauga ua faailoa ai le siitia i le silia ma le 20 pasene o oloa auina mai i fafo a Saina mo Ianuari ma Fepuari ma o se tulaga lelei tele lea mo fefaataua’iga a le atunuu.
O lea folasaga ua faailoa mai a o sauni ai le malaga a Trump i Saina i le amataga o Aperila e feiloa’i atu ai ia Xi Yingping le ta’ita’i o Saina.
O le atunuu lona lua lea le tele o lona tamaoaiga i le lalolagi ma e faamoemoe tele i oloa e aveina ane i fafo ma ua faailoa i le lipoti ua una’ia malosi le siitaga lea i oloa aveina i fafo, ona o le malosi o le mana’oga i oloa e faaaogā ai le eletise aemaise le siitia o le aofa’i o uta o fua o faato’aga faapea foi ma oloa gaosi i totonu lava o Saina.
O loo iai se faaitiitiga i le aofa’i o oloa ave i Amerika aemaise ona o tariffs ma nisi tulaga tau fefaataua’iga i le va o atunuu e lua.
O le vaiaso na te’a nei na faailoa ai e Saina o oloa ave i fafo o le ki lava lea i le tamaoaiga o lo latou atunuu e ui i faaletonu i nisi o fefaataua’iga faalotoifale faapea ma le matāupu tau fale.
Puna o Faamatalaga: https://www.bbc.com/news/articles/c3dzymj4yz7o
