O le taua ua faatupu e le Peresetene o le Mālō o Lusia ia Vladimir Putin ua ulufale faamalosi ai ana fitafita imma osofai le atunuu o Ukraine o se tasi lea o mafuaaga autū o le siitia o le tau o le
suauu ma penisini i Samoa faapea le lalolagi No lenei masina fou o Mati.
O lea foi ua sii le tau o le parlo suauu mai le le $10 i le $12.00 Amerika i le paelo. Ua faaalia i se pepa o faasalalauga mai le Matagaluega o Tupe a le Mālō ua avea le taua o loo tulai mai nei i le osofai ai e vaega au a Lusia le atunuu o Ukraine ma popolega i le faatupulaia ai pea o tau o nei oloa manaomia.
O tau fou o suauu ma penisini i le atunuu mo Mati, o le penisini ua toe sii i luga $3.11 i le litre faatusa lea i le pa’ū sa iai i le masina o Fepuari e $2.93 i le litre. O le suauu kiso ua faapena foi ona oso maualuga le tau i le $3.07 le litre faatusa i le tau sa iai ia Fepuari e $2.84 i le litre. O le kalasini sa $2.46 i le litre i le masina o Fepuari ae lea foi ua siitia i le $2.69 litre.
E pei ona silafia o le atunuu o Lusia o se tasi o Mālō o loo i totonu o le Faalapotopotoga ua taua o le OPEC o loo faatonutonuina alamanuia tau suauu o loo faatau atu i atunuu o le lalolagi.
