Ua toe sainia nei se maliega a le Iuni Lakapi a Niu Sila le NZ Rugby provincial unions ma le kamupani a le Silver Lake i le mae’a o le palota na faia ua faailoa ai e na o le tasi le iuni na tetee i le maliega i le ofisa autū o le lakapi i Aukilani.  

O le faamatalaga a le ta’ita’ifono o le NZ Rugby Stewart Mitchell pei ona lipotia i le ZB ua ta’ua ai o se talafaasolopito foi lenei i le lakapi a Niu Sila. O le maliega o le a vaaia ai le tufatufaina o le 37 miliona i ‘au e 14 o le NPC lea o le a maua ai le ta’i miliona a le ‘au e pei ona faailoa i le lipoti. 

E lē gata i lea, a o lalo o lea maliega ua ta’ua o le a maua ai foi e le ‘au inivesi i le lakapi le avanoa e siitia ai sea. Lipotia le taliaina lelei e le to’atele o lenei maliega fou.