O se isi ituaiga fou o le influenza e vave lona pepesi ua māfua ai le maliliu o nisi o tamaiti i Amerika ma ua āfua ai se su’esu’ega fou na faia ua faailoa mai lona faai’uga.
Fai mai le 9News o lea ituaiga strain o le influenza e faaigoa o le Super K na mua’i maitauina i Amerika ia Iuni o le tausaga talu ai, ae ua alia’e mai i Ausetalia i lenei taumafanafana.
I le masina o Ianuari o le tausaga nei ua faailoa i lea lipoti e to’a 63 tagata na maliliu ai i Ausetalia.
Saunoa ai le Peresetene o le AMA poo le Australian Medical Association, o Julian Rait i le maualuga o le aofa’i o tagata aafia ma le maualalo o i latou ua faia tuipuipui ma e ono faateteleina aafiaga i le oo mai i lenei tausaga fou aemaise i le vaitau e masani ona pepesi ai le flu.
O loo ta’ua i le lipoti o tagata matutua ma tamaiti i lalo ifo o le ta’i 5 tausaga le matutua e telē atu lamatiaga mai le aafia i le flu ae o le tausaga na te’a nei 2025 e na o le 25 pasene o tamaiti i lalo o le ta’ilima tausaga, na fai tuipuipui o le flu ma o se aofa’iga maualalo tele lea.
Ua faailoa foi i le lipoti e iai aiaiga fou ua tuuina mai e le WHO poo le World Health Organisation e ao ona tuuina i tuipuipui o le flu i Ausetalia ia fesoasoani ai e faamalosia le tetee atu i le ituaiga strain lea o le flu e faaigoa o le Super K.
Puna o Faamatalaga: https://www.9news.com.au/national/super-k-flu-mutated-influenza-a-lower-vaccine-effectiveness-could-see-another-horror-influenza-season/476ec606-718e-4b60-a464-df4ae380d26f
