O loo faia nei ni togafitiga i se kiliva pizza talavou lea na osofai e se tagata i Melepone ma e tigaina ona manu’aga i foliga.
Fai mai le lipoti o le kiliva pizza a le Menulog na taunuu i le nofoaga sa fuafua e kiliva iai pizza i Glenroy ae osofai ai e le tagata ma afaina ai ona foliga. Fai mai leoleo o ni manu’aga o le a suia ai le soifua o sia tagata faigaluega ma ua aafia fua Foaga e lei fai misa e pei o ia upu a le atunuu, e aunoa ma se agasala a sia tagata na ona faatino o lana galuega ae ua afaina ai.
Fai mai na sola ese le tagata na osofa’ia si kiliva pizza ma ave lana ato tupe ma ua faamatuu nei e leoleo i le lautele, ata mai le CCTV ia fesoasoani ai i le sailia o le gaoi na ia faatino uiga lē alofa i si talavou na o le 22 tausaga le matua.
