E to’afā isi tagata ua faaopoopo atu i le aumaliliu mai le tale vivini i totonu o Vanuatu ma ua atoa ai le to’afitu o tagata ua aafia soifua i lea gasegase e pei ona lipotia mai e le Vanuatu Daily Post.
O le to’aono o i latou ua maliliu ua faailoa na aafia i le faaitu o Tanna ma le to’atasi i le itumalo o Shefa ma o le to’atolu o i latou ua maliliu o tamaiti.
O le tale vivini e pei ona faailoa i lipoti a le leitio faavaomalo a Niu Sila, e vave ona pepesi ma e aafia ai totoga o le tagata ona o le siama ma e i’u ina faifaitetele ma tau faaletonu ai le mānava.
Ua faamanatu e le soifua mālōlōina a Vanuatu i le atunuu auala e taofia ai le aafia i le tale vivini ma ua faailoa ua iai sina faaitiitiga o tagata aafia pe a faatusa i le tausaga talu ai ae o loo faaauau pea ona pepesi.
E oo mai i le vaiaso nei e 760 tagata o loo aafia i le tale vivini i totonu o Vanuatu.
Puna o Faamatalaga: https://www.rnz.co.nz/international/pacific-news/586995/vanuatu-whooping-cough-death-toll-rises-to-seven
