Lipotia e le 9 Sports I le vaiaso nei le mataitu pea e le kalapu a le Cowboys o le alii o Marty Taupau ma o loo fetauaina e iu ina saini se konekarate a Taupau ile kalapu lea I se taimi vave. Taua I le lipoti sa fetauaina lava le tulaga lea mo Taupau mo leisi taamilosaga peitai I le maea o le faiaina a le Cowboys I le Bulldogs e ono faavave ai ona faataunuu lea fuafuaga.
O Taupau o se alii taalo faavaomalo a Niu Sila ma ua 32 tausaga o le soifua ma tele le tomai ile taaloga e ono fesoasoani ai I le au talavou ua iai nei a le Cowboys.
Ua taua ile lipoti ua maea faailoa e le Sea Eagels a Manly e le toe faaopoopo ina lana konekarate agai atu I le 2023, o lona uiga e ono faavave ona faataga le agai ese o Taupau.
