E foliga mai o le a tau maua se faamama avega mo le faitau miliona o le au fai taavale I ausetalia e tusa ai o le tau o le penisini ua iai nei pe a faailoa aloaia mai le tala faatatau o le tupe a le faigamalo.
O loo fetauaina I lipoti I le aso o le a faaitiitia e le faigamalo le lafoga totogi mo le penisini fuel excise tax mo le ono masina e faamma ai le avega mo tagata I lenei taimi o le taugata o le soifuaga.
Fai mai le 7 News o le faamatalaga lea ua faaata ane e le teutupe a le malo Josh Fridenburg ma o le a faamaonia lea I le tala faatatau o le tupe e folasia aloaia I le aso a taeao.
Fai mai Frydenburgh ole a aofia ai ma fesoasoani mo aiga I le tala faatatau lea o le tupe, o loo faatalia foi se faamaoniga o se fesoasoani poo se peimeni e faatasi lava le taimi e faia ai e le malo, one off payment mo tagata Ausetalia lea e fetauaina pe ile va o le 200 ma le 400 tala ausetalia o le a maua e le tagata faigaluega.
