Ua fautuaina tagata Ausetalia i le asō afai ae toe faalogoina āuga o le koviti ia silafia e ono toe aafia foi i le faama’i e tusa lava pe lei leva atu ona mae’a aafia.
O isi subvariants fou o le omicron lea ua faaigoa o le BA4 ma le BA5 lea ua faataamilo nei i Ausetalia ma ua lipotia o le ituaiga aupito taatele lea ua faamauina mai i Vitoria.
Fai mai i latou e su’esu’eina ia ituaiga faama’i, o variants ia e lua e talitonuina e matuā sili atu ona vave le pepesi ma ua maitauina e mafai ona toe pepesi i totonu o le fā vaiaso talu ona aafia muamua i le faama’i.
O setete o Niu Sa Uelese ma Western Australia lea o loo faamauina ai ia fautuaga a o faamauina ai pea le siitia o le aofai o tagata ua aafia i le koviti i le atunuu.
