Ua faamaonia ane e le Rugby Australia i le RNZ o le maliega fou mo le faatupeina o le lakapi o loo faatalanoaina ma atunuu e pei o Fiti, Samoa ma Tonga o le a mafai ai ona faataunuuina se taamilosaga faaitulagi mo le itupa o alii ma tama’ita’i i ia atunuu.
Ua faailoa o lea faaputugatupe e aofia i le maliega lea e $150 miliona tālā Ausetalia.
Ua faailoa i le lipoti o le tupe o le a lē tuuina i iuni a nei atunuu, peita’i o le a faaaogā e lagolago ai se taumafaiga lautele mo le faaleleia o le lakapi i atunuu.
Fai mai o le poloketi fou lea o se taumafaiga tuufaatasi a iuni mai atunuu e tolu aemaise o a latou faigāmalo faatasi ai ma le faigāmalo a Ausetalia.
Sa faailoa e le Minisita o le Va i Fafo a Ausetalia, o Penny Wong le taumafaiga lea a o iai i Apia i nai vaiaso ua tuana’i ma faailoa ai o le faamoemoe e le’i faamautūina peita’i la o lea ua lipotia i le RNZ se tulaga lata mai ua iai nei.
Puna o Faamatalaga: https://www.rnz.co.nz/international/pacific-news/589129/australia-backed-150m-plan-aims-to-support-pacific-rugby-development
