E iai si tagata ua maliu i lologa i Kuiniselani i le vaiaso nei ma ua faamaonia mai e leoleo o se taavale na tafea i lologa. 

Faamaonia mai ai foi e leoleo o le taeao lava analeila na maua ai se tinomaliu o se alii e lata i le nofoaga na tafea ai le taavale ma o loo tālia su’esu’ega e faamaonia ai lē ua aafia.  

O uiga louloua o le tau sa lapata’ia ai Kuiniselani aemaise lava i le itu i Saute i Sasae ma le itu i Matu o Niu Sa Uelese. O loo iai pea nei lapata’iga mo lologa i ia faaitu ma ua fautuaina le atunuu ia alofia le feoa’i i auala ona o lamatiaga mai tafega ia ma lologa i nisi o auala.