E to’atasi foi se tasi ua maliu i se fale na mu i Melepone i le po anapo atoa ai ma se alii o loo lipotia le faamanu’alia.
O le fale o se aiga e pei ona ta’ua i le lipoti ma na valaau ane ai le fesoasoani faavavave i le po anapo i Wheelers Hill poo le te’a o le 10 fai mai fuimu e taunuu atu ua aafia se vaega tele o le fale i le afi.
E to’atolu tagata na aveesea mai totonu o le fale e aofia ai ma se tamaitai ua maliu. O lē ua auina atu i le falema’i o se tamā pe ā ma le 60 tausaga le matua ma se talavou sa togafitia ai i le vaega lea i le po anapo. Sa faatalia se lipoti o le mafuaaga o le afi ma o loo faia nei su’esu’ega a leoleo ma le tineimu.
