O loo faaauau togafitiga i se tamaititi na aafia i se faalavelave tau taavale i le amataga o le vaiaso nei i le itu i Sisifo o Vitoria na feto’ai ai ni taavale. Fai mai o le faalavelave na tupu i le fetaula’iga ala i Finch ma Greenhalgh Road i le Bunkers Hill i Ballarat.
Fai mai o lea faalavelave ua maliu ai le isi tina sa iai o se pasese i totonu o le isi taavale ma na maliu ai lava i le nofoaga na tupu ai le faalavelave. Fai mai o le teineititi o se pasese foi i le isi taavale o loo togafitia i le falema’i e fai si tigaina ae le’i afaina le avetaavale na o latou malaga atu ai.
O loo faaauau su’esu’ega i lenei faalavelave ma lona mafuaaga.
