E oo mai i le taimi nei o loo galulue pea le aufaigaluega a le SES a Ausetalia ma nisi o le ‘au volunteers e ofoina fesoasoani mo nai aiga ua matuai aafia i lologa ma uiga loulouā o le tau i Sini.
O le asō foi ua tali ane ai le Palemia i le valaau a nisi mai le aso ananafi ua manaomia ni fesoasoani tau tupe e fesoasoani ai i le mafatiaga ua iai nei tagata ua aafia i lologa. Toeitiiti 60 afe tagata o loo aofia i poloaiga ma lapataiga a faamatuu atu auā le saogalemu.
O le fesoasoani ua faailoa mai o le ta o le 2 i le aoauli e amata mafai ai ona talosaga mo fesoasoani ia a le malo ma le Commonwealth. Ua lipotia e afe tala e agavaa ai tagata matutua ae 400 i tamaiti, i latou na aafia i lologa.
