O se lipoti aupito lata mai o le taua i Iran poo Sasa’e Tutotonu foi, ua faailoa ai e le Pentagon i Amerika pe ā ma le 140 sui o vaegā’au a Amerika ua faamanu’alia talu ona amata le taua lea.
Ua faailoa foi e le CNN ua amata ona faataatitia e Iran maina i le Strait of Hormuz ma ua lapata’i ane foi se tasi o kamupani tele tau suāuu i tulaga e ono oo iai aafiaga o lea taua.
O le nofoaga lea o le Strait of Hormuz e ui atu ai le feavea’iina o le suāuu mo le lalolagi ma ua taofia e Iran le toe uia o lea nofoaga.
O isi tala o le taua ua faailoa ai le tuua’ia e le amepasa o Iran i Amerika, o Isaraelu ma Amerika i le faia ma le mautinoa o le taula’i o osofa’iga i tagata lautele i totonu o Iran lea e faapea e silia i le 1,300 i latou ua maliliu ai.
O loo faaauau pea osofa’iga a Isaraelu i Tehran ma o loo taula’i le tele o a latou osofa’iga i nofoaga faamiliteli a Iran.
Puna o Faamatalaga: https://edition.cnn.com/world/live-news/iran-war-us-israel-trump-03-10-26
