O le a le aafia le vave tuu mai I luma o le tatalaina o tuaoi o Niu Sila mo turisi ona o le isi vairusi ua taua o le BA.2 tupuga mai le Omicron
O lea ua saunoa le palemia Jacinda Ardern o le a vave tuu mai I luma aso na fuafua e faatoa tatala ai I le lautele tuaoi o Niu Sila
O fuafuaga na muai faataoto mai o pasese faimalaga mai Ausetalia ua uma tui ma pasese faimalaga mai atunuu e visa-waiver e amata faataga mai ia Iulai e aunoa ma le tau faanofoesea, ma a maea lea ona faatoa tatala lea o tuaoi I soo se tagata asiasi mai mai soo se vaega o le lalolagi mai ia Oketopa
Peitai o lea ua sau le tala ua vaavaai e toe tuu mai I luma fua I luga o fautuaga a tagata suesue e ono mafai ona vave tatala tuaoi I soo se tasi pe a tatou o ese atu ma le peak poo le tumutumuga o le Omicron o loo malosi nei
O lona uiga afai ae tuu mai I luma fuafuaga na tuu mo Oketopa, o le a vave toe faafoi ai femalagaiga mo tagata tafafao asiasi mai I Niu Sila
O le aso a taeao e fofoga mai ai e le palemia poo afea lea o le a vave tuu mai iai
