Ua aumai ai lapataiga I le atunuu e nofo mataala ma faaeteete I le faatupulaia o tagata NZ ua afaina ona o osofaiga faa-auala mai I luga o masini komepiuta
O le CERT NZ, o se tasi o vaega o auaunaga a le malo ua faaalia mai le siisii o osofaiga nei tauala mai o se virus e gaoia ai tupe ma faamatalaga o tagata taitoatasi faapea ai kamupani
O lenei virus o le Emotet, e le fou ma e le na o NZ foi o loo faasagasaga mai iai, ma e tele lava ina ulufale I masini komepiuta I le taimi e tatala ai se imeli
I faamaumauga e oo mai I le aso e tusa ma le 800 tagata NZ ua afaina ai, ma o le tele o I latou nei o a latou tupe teu I faletupe Ua fautuaina ai foi le aoga o le iai o polokalame e teena ai viruses, aemaise o malu puipuia o accounts ma faamaumauga e pei o passwords ma isi faamatalaga o loo faaaogaina e tatala ai le tele o accounts.
