Tumau pea lapataiga o uiga louloua o le tau aemaise lava I timuga mo Sini ae faapea foi ma isi vaega o Kuiniselani. Ua savali nei I le tolu vaiaso o loo faaauau pea timuga I totonu o Niu Sau Uelese ma le manatu o le toatele ai o le faaiuga o le vaiaso na tea nei o le a matu ai timuga ma sei amata galuega faamama mai lologa ma tafega mai le vaiaso talu ai.

Peitai ua toe faailoa mai foi e le vaaitau ise lipoti aupito lata mai o loo iai pea lapataiga mo lologa faafuasei I Sini aemaise I le itu I sisifo ma matu ile vaiaso nei.

O le taeao na vaaia ai le mamafa o timuga ma le malosi foi o le savili mo Sini ae o loo lipotia mai foi le faaauau pea o lologa I Kuiniselani ua faamauina mai foi seisi soifua maumau.

O le tetele o timuga ua maitauina ai foi ma le faaleagaina o le tele o magaala ma ua iai foi ma fesuiaiga I femalagaaiga. O le aso ua lapataia ai tagata e masani ona faaaoga auala o femalagaaiga lautele public transport, o le a iai faatuai ma o le a faaleaogaina foi le tele o faigamalaga.