O se vaaiga ile tulaga o iai le pepesi a le faamai o le koviti 19 I atumotu o le pasefika pei ona iai se tusitusiga I le One News ile aso ua iloa ai o le tele atumotu o le pasefika o loo tapunia pea tuaoi ma ua tuuina mai foi se faamalosi mai le faalapotopotoga o le soifua maloloina ile lalolagi le WHO ia faaaauau pea ona faaeteete e ui ua matele ina vaaia le faaitiitia o soifua maumau mai le faamai ile tele o atunuu.

O le atunuu o Vanuatu ua faailoa mai o loo tapunia pisinisi ma aoga I le motu autu o Efate ao pepesi ai le faamai I le komiuniti mo le uluai taimi talu ona amata mai le faamai, Pe a ma le 70 pasene o tagata ua tatau ona faia tui puipui, ua maea ona faatino uma tuipuipui e lua o le faamai. I Fiti ua toe taliaina foi le malaga atu o tulisi faavaomalo lea e aofia ai ma malaga atu mai Niu Sila nei.

I Samoa pei ona faamaonia i lipoti e toavalu I latou o loo aafia ile faamai mai le malaga na alu atu mai Niu Sila nei, o leisi 162 o le pasese lea e negative uma a latou siaki ma ua faailoa o loo faanofoesea uma foi le aufaigaluega sa faigaluega I le taunuu atu o le malaga ma ua amata faasolo tui puipui o tamaiti 5-11 tausaga le matutua.

I Tonga ua amata ona toe tatala nisi o aiaiga ma vavao na iai ile atunuu ae o loo tapunia pea aoga. Pe a male 700 tagata o loo aafia I le faamai ile atunuu ae o le 89 pasene o le atunuu ua maea ona faia uma tui puipuio le koviti. O le Atu Kuki o loo matala mai pea ia Niu Sila ae ua iai foi aiaiga ua faatulaga mo faapotopotoga o tagata. E 123 tagata o loo aafia I le taimi nei ile koviti I totonu o Rarotonga.